المرجوج
05-19-2009, 20:43
ليتي فقدت بدنيتي كل الأموال=ولا فقدت من العرب كل حيّا
لكن فقدت اللي للاثقال شيال=اخوي لامال الدهر بي وعيّا
حر كريم معرب الجد والخال=من ماكرٍ طيّب ولا هو رديّا
محبوب مرغوبٍ للاجواد مدهال=به فزعةٍ للي نصاه وتهيّا
لاعدت فحول الرجاجيل رجال=ضحوك مزّاحٍ طليق المحيّا
يفرح اذا جيته للارحام وصال=ياما حمل عثرة رفيق وخويّا
مثل القمر بيّن على كل منزال=معروف ابو بندر و لا هو خفيّا
ذراي لا هبت عواصيف ورمال=وسورٍ عن البرد الشمالي دفيّا
سيفٍ أبارز به إذا مالردي عال=سيفٍ شطير الحد ضربه قويّا
ضلعٍ رسى لي في صعيبات الاحوال=ليت الليالى أمهلنّه شويّا
الشمس تحرقني إذا ما به ظلال=واخوي ابو بندر ظلالٍ وفيّا
ويسرى بلا يمنى بها ضعف وهزال=ويمناي ابو بندر كريمٍ سخيّا
واخوٍ بلا اخوٍ له الوقت قتّال=يقضي حياته بين هذا وذيّا
تبكي حمر ياطب مع جبال وسهال=مع الحمر وهضوب عليا سويّا
تبكي عريجا مع فتق دمعها سال=سلمى وحبشي مع مرابع صفَيّا
تبكي على من عطّره حب واجلال=قرمٍ عزومٍ شوشليٍ نقيّا
ياعين هلي دمعك اليوم اليوم همّال=وخلّي ثرى سلمى من الدمع ريّا
لا تبخلي يا عين هلّيه باسبال=من قبل ما دمعك علينا عصيّا
والله لولا الله والعمر رحال=ما احطه بقبرٍ ظلامٍ طميّا
والله لولا اللي رسّى الأرض بجبال=لا اقعد على قبره صباح وعشيّا
والله لولا اللي عطى العبد آمال=لا احط في قبره شموعٍ وضيّا
مار اطلب اللّي للمعاسير حلاّل=يجبر عزى قلبٍ جريحٍ نديّا
ويرحم ابو بندر ويعطيه ما قال=في جنة الفردوس باعلى عليّا
يارب سامحني واصلح لي الحال=يالواحد اللي دايم الدوم حيّا
((علي بن دخيل الله الموكا))
لكن فقدت اللي للاثقال شيال=اخوي لامال الدهر بي وعيّا
حر كريم معرب الجد والخال=من ماكرٍ طيّب ولا هو رديّا
محبوب مرغوبٍ للاجواد مدهال=به فزعةٍ للي نصاه وتهيّا
لاعدت فحول الرجاجيل رجال=ضحوك مزّاحٍ طليق المحيّا
يفرح اذا جيته للارحام وصال=ياما حمل عثرة رفيق وخويّا
مثل القمر بيّن على كل منزال=معروف ابو بندر و لا هو خفيّا
ذراي لا هبت عواصيف ورمال=وسورٍ عن البرد الشمالي دفيّا
سيفٍ أبارز به إذا مالردي عال=سيفٍ شطير الحد ضربه قويّا
ضلعٍ رسى لي في صعيبات الاحوال=ليت الليالى أمهلنّه شويّا
الشمس تحرقني إذا ما به ظلال=واخوي ابو بندر ظلالٍ وفيّا
ويسرى بلا يمنى بها ضعف وهزال=ويمناي ابو بندر كريمٍ سخيّا
واخوٍ بلا اخوٍ له الوقت قتّال=يقضي حياته بين هذا وذيّا
تبكي حمر ياطب مع جبال وسهال=مع الحمر وهضوب عليا سويّا
تبكي عريجا مع فتق دمعها سال=سلمى وحبشي مع مرابع صفَيّا
تبكي على من عطّره حب واجلال=قرمٍ عزومٍ شوشليٍ نقيّا
ياعين هلي دمعك اليوم اليوم همّال=وخلّي ثرى سلمى من الدمع ريّا
لا تبخلي يا عين هلّيه باسبال=من قبل ما دمعك علينا عصيّا
والله لولا الله والعمر رحال=ما احطه بقبرٍ ظلامٍ طميّا
والله لولا اللي رسّى الأرض بجبال=لا اقعد على قبره صباح وعشيّا
والله لولا اللي عطى العبد آمال=لا احط في قبره شموعٍ وضيّا
مار اطلب اللّي للمعاسير حلاّل=يجبر عزى قلبٍ جريحٍ نديّا
ويرحم ابو بندر ويعطيه ما قال=في جنة الفردوس باعلى عليّا
يارب سامحني واصلح لي الحال=يالواحد اللي دايم الدوم حيّا
((علي بن دخيل الله الموكا))